منتدي طرقعة ::: بيت الطرقعة
الاداره تهنئكم بحلول عيد الفطر المباركــ ونرجوا التسجيل للأستمتاع معنا

منتدي طرقعة ::: بيت الطرقعة


 
الرئيسيةالبوابةس .و .جبحـثالتسجيلدخول

شاطر | 
 

 تريقة على الولاد

اذهب الى الأسفل 
كاتب الموضوعرسالة
eman
لسه صغير
لسه صغير


عدد المساهمات : 11
نقاط : 3026
السٌّمعَة : 0
تاريخ التسجيل : 13/09/2010

مُساهمةموضوع: تريقة على الولاد   الإثنين سبتمبر 13, 2010 9:34 pm


النوع الاول : ابجد هوز نت لسه بيزحف بيبى
ده بئه يا بنات تلاقوه اول مره يدخل منتدى اساسا يدخل ع التعارف هاى ازيكو انا اسمى فلان ومن المكان الفلانى وبدرس كذا وف جامعه كذا وتلاقيه بسم الله ماشاء الله عليه ما صدق حد يعرف عنه حاجه بيقول على طول ولا كانها ماسوره معلومات واتكسرت ولمى وراه بئه المعلومات ده بئه يا اما بيبئه سمع عن المنتديات والبنات اللى فيها يا اما بيجرب حظه وعاوز يتعلم بجد ويشارك ويناقش


النوع التانى : اللى بيقعد ع النت بس مش كتير ( عم المشغول )
ده بئه تلاقيه يدخل المنتدى يرد على توبيك ولا اتنين ويفضل ف المنتدى ساكت مايتحركش تبعتيله رساله فينه مش حد بيشوفه اون لاين ولا بيرد كتير ليه يقولك اصلى مش فاضى تصورى دا انا مش فاضى اهرش اساسا وياسلام لو جيتى تبعتى رساله عاوزاه يعمللك فيها عبده المهم ومايردش الا بعد يومين ويقوللك اسف كنت مشغول مش عرفت ارد .. ده بئه لو دخلتى كلمتيه ميل يقوللك بعد شويه انا مش فاضى اكتب ايه رايك نكمل الكلام ف التليفون ده بئه يا تلاقيه مش حسيس ويلح انك تديهوله يا اما يقولك خلاص مش عاوزه حطينى ف التجاهل


النوع التالت : عم المقموص
اول ما تبعتيله لينك توبيك مش يرد تبعتيله رسايل مش يرد ولما ربنا ينتعه بالسلامه ويرد يقوللك انا زعلان وبيبئه حاطط ايده على كليك الزعل اى حاجه تقوليهاله بهزار يبئه جد تتريقى على حد يبئه هو يطلب منك رقمك ياسلام لو اعتزرتى انتى مش واثقه فيا يا اما يقوللك انا احترم قرارك ومش هطلبه ويتقمصلك كل شويه احلى حاجه واريح حل تعمليه فى قائمه التجاهل اريح


النوع الرابع : عم الخفه ( الظريف )
ده بئه ماتفهميش مين قاله انك دمك خفيف كل ما يكلمك يفضل يستظرف ويقوللك افيهات المطلوب منك انك تموتى على روحك من الضحك بس حاسبى يا حبيبتى كله الا اعصابك ف اريح حل ليه يحصل اخوه وتعملى اسمه ف التجاهل وتريحى نفسك


النوع الخامس : المزاجنجى
ده بئه كل شويه بحال شويه فرحان ويبسطك ويدخل المواضيع يهزر وتمام وشويه يدخل المواضيع يرد بكآبه شويه تلاقيه مجنون ف تصرفاته وشويه تلاقيه عاقل ورزين ومره واحده يقلب غلس ورخم وغتيت ومره تانيه تلاقيه امور ولطيف وجنتى خالص ف الحكايه يعنى مش ناقصه هبل وجنان اعمليه زى اخواته ف التجاهل وريحى نفسك


النوع السادس : اللزقه
ده بئه كل ما تدخلى المنتدى تلاقيه راشق ف بروفايلك انتى ف الموضوع ده ليه ؟ بعتلك رساله ياسلام لو مش رديتى ف ساعتها انتى كنتى بتعملى ايه ؟ الواد ده باعتلك لينك ليه وياسلام لو قالك افتحى ميل وقعدى فتره لغايه ما فتحتى ليه انتى كنتى فين ؟ اه ماهو الموضوع الفلانى اهم من موضوعى طبعا مش ناقصه خنقه اعمليه ف قايمه التجاهل وارتاحى وشوفى المنتدى براحتك


النوع السابع : عم الناصح
ده بئه نهارك مش باينله ملامح لو بعتي لواحد او واحده تهزرى معاها وتقوليلها حاجه يعلقلك ويديكى حكم ومواعظ لا وفيه عروض خاصه اتكلمى كلمه تاخدى عليها 60 نصيحه هديه وياااااه لو عملتى توبيك ف الصور ولا عملتى توقيع جديد يقوللك عارفه لا خدى الصوره دى احسن واشبعى منه حكم بئه اقولك حل حلو اوى اعمليه ف قايمه التجاهل هو كمان مع اخواته
النوع الثامن : الحبيب ( بيحب على روحه )
ده بئه يقول ايه يدخللك جرى على قسم المشاكل ف الحل او كلام ف الحب يا جماعه الحقونى انا حواليا كتير الكل بيحبنى الكل معجم بيا شوشو وتوتو وسوسو حتى فوفو بتموت فيا ف الكليه الكل بيجرى ورايا وياااااه لو كلمت واحده تموت فيا المصيبه بئه اول ما هتدخلى تكلميه او تتعرفى عليه يفهم على طول انك بتموتى ف دباديبه وعاشقه جماله وجمال عينيه ف الضلمه ولو قولتيله اى حاجه هيفهم انك معجبه بيه وهتموتى عليه ماهو اصل مش بمزاجك هتحبيه يعنى هتحبيه طبعا عارفه نصيحتى شطوووووووره مع اخواته على طول


النوع التاسع : فرحان بجماله
ده بئه اول ما تدخلى بروفايله تلاقى صورته ف كل حته ف الصوره الرمزيه والشخصيه والتوقيع وكل حاجه صوره وذنب عليكى وعلى اللى خلفوكى لو دخلتيله تتفرجى على صورته اى حاجه تنزل باسمه على طول صورته ويااااه لو كلمتيه ميل تلاقيه كل شويه يفتح كام للهوا وذنب عليكى تتفرجى عليه كله الا اعصابك يا حبيبه قلبى يحصل اخواته على طول ف قايمه التجاهل وتخلصى


النوع العاشر : حوارنجى
ده بئه يدخل قسم السياسه يقوللك ده حرام اللى بيتعمل ده انا لو بايدى حاجه كنت خليت بابى يظبطهم يدخللك على قسم السارات يقوللك العربيه دى انا كانت عندى بس جيبت الاحدث كانو هيموتو عليها ف الجامعه يدخللك الكوره يقوللك الماتش اللى ف كوالالمبور ده انا روحته وكان مهازل وخدى من الحوارات والتهتيش ده كتيييير


النوع الحادى عشر : بابا اوبح
ده بئه تلاقيه قاعد ع المنتدى من ساعه ما اتولد درس واشتغل وخطب واجوز وخلف وعياله خلفو وهو قاعد بيتعرف على البنات وكل ما يكلم واحده يقنعها انه عنده 20 سنه ولسه عاوز عروسه ويحور عليها قصه حياته عارفه بئه ده لو دخلتيله عملتى عضويه جديده هتلاقيه داخللك وحور عليكى قصه متلفه تماما يعنى هتسمعى كل يوم قصه شكل طبعا اريح حل قايمه التجاهل موجوده
الرجوع الى أعلى الصفحة اذهب الى الأسفل
CreSpO
فريق العمــل
فريق العمــل
avatar

عدد المساهمات : 56
نقاط : 3180
السٌّمعَة : -2
تاريخ التسجيل : 28/08/2010
العمر : 25

مُساهمةموضوع: رد: تريقة على الولاد   الثلاثاء سبتمبر 14, 2010 6:33 pm

ما شاء الله كل دآ علينآ أحنآ بس يلآ مش مشكلة
الرجوع الى أعلى الصفحة اذهب الى الأسفل
elngar
مراهق
مراهق
avatar

عدد المساهمات : 73
نقاط : 3271
السٌّمعَة : 2
تاريخ التسجيل : 29/08/2010
العمر : 23
الموقع : تحت البتاع

مُساهمةموضوع: رد: تريقة على الولاد   الثلاثاء سبتمبر 14, 2010 7:45 pm

مش مشكلة اية يا محمد
احنا نتشتم ونسكت؟؟
لا لا لا
انا مش اقبل الكلام كدا
هههههههههههههههههه







الرجوع الى أعلى الصفحة اذهب الى الأسفل
eman
لسه صغير
لسه صغير


عدد المساهمات : 11
نقاط : 3026
السٌّمعَة : 0
تاريخ التسجيل : 13/09/2010

مُساهمةموضوع: رد: تريقة على الولاد   الأربعاء سبتمبر 15, 2010 1:28 am

هاتعمل اية يعنى
صحبك عارف انه مش يعرف يعمل حاجة فسكت
لسكت بقى انت كمان
الرجوع الى أعلى الصفحة اذهب الى الأسفل
CreSpO
فريق العمــل
فريق العمــل
avatar

عدد المساهمات : 56
نقاط : 3180
السٌّمعَة : -2
تاريخ التسجيل : 28/08/2010
العمر : 25

مُساهمةموضوع: رد: تريقة على الولاد   الأربعاء سبتمبر 15, 2010 1:47 am

ههههههههههههههههههههههههههههههههههههههههههههههههههههههههههه تصدقى همووووت من الضحك على فكرة يعنى انا مردتش عشان انا مقدرش أرد على بنت انما ممكن أعملك موضوع جديد جامد وزى الفل وكلة تريقة على البنات انما انا بسكت بمزاجى عارفة لو عايز أرد هرد صح اوى بس يلا بقى خليها علينا أحنا بقى انتى منورة وخليها خليك يا نجار لسة جديدة متعرفش BLack GaNG
الرجوع الى أعلى الصفحة اذهب الى الأسفل
 
تريقة على الولاد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي طرقعة ::: بيت الطرقعة :: :: طرقعه العام :: :: بنات طرقعه-
انتقل الى: